Manylion a Chostau Hyfforddi
Pwrpas y rhaglenni hyn yw rhoi gwybodaeth i aelodau a’u helpu i ddatblygu, boed newydd eu hethol neu’n fwy profiadol. Byddant yn rhoi iddynt gorff helaeth o wybodaeth, dealltwriaeth a medrau, fydd yn eu galluogi i gyflawni eu rôl fel cynghorydd yn fwy effeithiol.
Bwriedir cyflwyno pob modwl mewn sesiwn o ddwy awr a hanner gyda’r nos (6:30yh - 9:00yh) mewn canolfannau cyfleus er mwyn osgoi’r angen i deithio’n rhy bell. Cost pob modwl hyfforddiant, wedi’i deilwra i faint y cyngor, fydd:
Ar gyfer cynghorau gyda dros 200 annedd:
Aelodau ULlC £30 Eraill £40
Ar gyfer cynghorau gyda llai na 200 annedd:
Aelodau ULlC £20 Eraill £30
Bydd lleoedd yn gyfyngedig i 20 mynychydd ac yn agored i bob cynghorydd, ac er na luniwyd y rhaglen yn benodol ar gyfer clercod, mae croeso iddynt ddod arno gan y byddai’n gyflwyniad defnyddiol i’r Cwrs CiLCA sy’n cael ei hyrwyddo ar hyn o bryd gan SLCC ac ULlC.
I fynychu’r digwyddiad hwn, cwblhewch y Ffurflen Archebu isod a’i hanfon at: Un Llais Cymru, 24c Stryd y Coleg, Rhydaman, Sir Gaerfyrddin. SA18 3AF
Cewch anfoneb ar ol i'r hyfforddiant ddigwydd.
Mae Un Llais Cymru yn falch o gyhoeddi fod Llywodraeth Cynulliad Cymru yn bwriadau parhau â'r cynllun bwrsari am flwyddyn arall. Pwrpas y cynllun yw cynorthwyo cynghorau i gymryd rhan yn Rhaglen Hyffordiant Cynghorwyr Un Llais Cymru.
Os ydych yn gymwys, cwblhewch a dychwelwch y Ffurflen Gais am Fwrsari ynghyd â'ch ffurflen archebu.
Noder:- Mae'n RHAID cynnwys y Ffurflen Fwrsari gyda'ch ffurflen gais am hyfforddiant ac ni ellir ei defnyddio i hawlio ar gyfer hyfforddiant sydd eisoes wedi ei gyflawni.
Ffurflen Archebu
Ffurflen Gais Bwrsari
